Sími  4415600 / 8402672

Þorra og bóndadagslög

Þorra og bóndadagslög

Ó, hangikjöt  Bóndadagslag. Lag: "A-ramsa-sa".

Ó, hangikjöt, ó, hangikjöt,

og rófustappa, grænar baunir, súrhvalur!

Ó hangikjöt, ó, hangikjöt,

og sviðasulta, hrútspungar og harðfiskur!

Og hákarl, og flatbrauð!

Mér finnst svo gott að borða allan þennan mat!

Og hákarl, og flatbrauð!

Mér finnst svo gott að borða allan þennan mat!

 

Súrsaðir pungar  lag "Allur matur verður að fara"

Súrsaðir pungar, svið og læri,

skyrhákarl og vökvinn tæri.

Et og drekk, et og drekk

af andans list og eftir smekk.

 

Á þorrablóti er gleði og gaman  Jólalag breytt í þorralag

Á þorrablóti er gleði og gaman þei, þei, þó.

Þá syngja allir krakkarnir og borða þorramat,

þá mun ríkja gleði og gaman, allir hlæja og syngja saman,

þei, þei, þó.


 

Þorraþræll

Nú er frost á Fróni, frýs í æðum blóð,
kveður kuldaljóð Kári í jötunmóð.
Yfir laxalóni liggur klakaþil,
hlær við hríðarbyl hamragil.
Mararbára blá brotnar þung og há
unnarsteinum á, yggld og grett á brá.
Yfir aflatjóni æðrast skipstjórinn,
harmar hlutinn sinn hásetinn.

Horfir á heyjaforðann hryggur búandinn:
,,Minnkar stabbinn minn, magnast harðindin. -
Nú er hann enn á norðan, næðir kuldaél,
yfir móa og mel myrkt sem hel.
Bóndans býli á  björtum þeytir snjá,
hjúin döpur hjá honum sitja þá.
Hvítleit hringaskorðan huggar manninn trautt;
Brátt er búrið autt, búið snautt.

Þögull Þorri heyrir þetta harmakvein
gefur grið ei nein, glíkur hörðum stein,
engri skepnu eirir, alla fjær og nær
kuldaklónum slær og kalt við hlær:
,,Bóndi minn, þitt bú betur stunda þú.
Hugarhrelling sú, er hart þér þjakar nú,
þá mun hverfa, en fleiri höpp þér falla í skaut.
Senn er sigruð þraut, ég svíf á braut.


Þjóðlag / Kristján Jónsson

 

Af „http://bornogtonlist.net/index.php?title=%C3%9Eorramatur

 

 Bóndadagur (lag: Gamli Nói)

Súrmat mamma í trogið setur

stýfi hver sem betur getur.

Bóndadaginn á pabbi  að fá,

belginn troðinn mysu og mjöli,

mænum þorra á.