Sími  4415600 / 8402672

Um skólann

Leikskólinn

Um leikskólann

skoli 

Leikskólinn Baugur er átta deilda leikskóli fyrir börn á aldrinum eins til sex ára og geta 152 börn dvalið í skólanum samtímis í 4 - 9 klukkustundir. Heildarrými leikskólans 1050,7m² eða 6,9m² á hvert barn,  leikrými: 538m² sem gerir 3,5m²  á barn.

Leikskólinn skiptist í þrennt, tveir gangar með þremur deildum hvor og lausar stofur með tveimur deildum. Á yngri gangi eru deildarnar, Lundur, Brekka og Klettur. Á miðgangi eru deildarnar, Mýri, Foss og Tjörn. Í lausu stofunum eru Hlíð og Rjóður. Baugur er opinn leikskóli, þ.e. að deildirnar eru ekki mjög stórar, en stór svæði skólans eru samnýtt af öllum deildum, s.s. hreyfisalur, listasmiðjur, bókasafn o.fl. Í miðju hússins er matsalur sem er nýttur af fimm deildum leikskólans, á Lundi, Hlíð og Rjóðri er borðað inni á deildunum.

Leikskólinn er staðsettur í Kórahverfi í Kópavogi þar sem stutt er í útivistarsvæðið í Leirdalnum, Heiðmörkina og aðrar náttúruperlur. Leikskólinn er einnig með afnot af útisvæði sem heitir Magnúsarlundur. Magnúsarlundur er svæði sem nýtist vel til útináms.Lundurinn er nefndur eftir Magnúsi Sigmundssyni sem átti hluta umræddrar lóðar á árum áður og notaði hana undir sumarbústað sinn. Svæðið er mjög fjölbreytt með gömlum greni-og furulundum, lautum og móum. Magnúsarlundur er samnýttur af Hörðuvallaskóla og leikskólunum Baugi, Kór og Aðalþingi.

Einkunnarorð skólans eru:  Skynjun - uppgötvun - þekking.

 
Daglegt líf í leikskóla

Á Baugi fléttast námssvið og námsþættir inn í daglegt líf og leik barnsins.

Borðhald, hvíld, hreinlæti og að klæða sig úr og í, eru mikilvægir þættir í námi barnsins. Börnin hjálpa sér sjálf eftir því sem þroski þeirra og geta leyfir, það eykur sjálfstæði þeirra og styrk. Jafnvægi ríkir á milli mismunandi þátta, á milli frjálsra og skipulagðra leikja, inni- og útileiks, á milli hópa- og einstaklingsverkefna.

 

Eldri deildir     Yngri deildir

07:30-08:00

08:00-08:30
08:30-09:00

Leikskólinn opnar

Morgunverður
Ávextir, samverustund

07:30-08:00

08:00-08:30
08:30-09:00

Leikskólinn opnar

Morgunverður
Ávextir, samverustund

09:00-11:45 Leiktími, stöðvavinna, útivera 09:00-10:45 Leiktími, stöðvavinna, útivera
11:45-12:00 Samverustund 11:00-11:15 Samverustund
12:00-12:45 Hádegisverður 11:00-11:40 Hádegisverður
12:45-13:15 Hvíld, róleg stund 11:40-13:00 Hvíld, róleg stund
13:15-14:40 Leiktími, stöðvavinna, útivera 13:00-14:20 Leiktími, stöðvavinna, útivera
14:40-14:55 Samverustund 14:20-14:50 Síðdegishressing
14:55-15:30 Síðdegishressing 14:50-15:10 Samverustund
15:20-16:45 Leiktími, útivera 15:10- 16:45 Leiktími, útivera
16:45 Leikskólinn lokar 16:45 Leikskólinn lokar