Þátttökuaðlögun

  • Aðlögun tekur þrjá daga að öllu jöfnu.
  • Dagur eitt og tvö, mæting klukkan 9.00 og fram yfir hádegismat.
  • Foreldrarnir eru inni á deild með barninu allan tímann.
  • Foreldrar sinna barninu, skipta á því, gefa að borða og eru til staðar, starfsfólkið tekur að sjálfsögðu þátt.
  • Þriðja daginn er mæting klukkan 9.00, barnið fer í hvíld með starfsmönnum, foreldrar til taks í leikskólanum ef þarf. Heimferð þegar barn vaknar.
  • Fjórða og fimmta daginn koma foreldrar með barnið sitt og kveðja. Börnin eru til kl. 14.30/15.00 þá daga. 
  • Farsímar eru ekki leyfðir.
  • Aðlögunin er einstaklingsbundin og getur breyst eftir þörfum hvers og eins.

 

Hugmyndafræðin á bak við þátttökuaðlögun er að öruggir foreldrar smiti eigin öryggiskennd yfir til barna sinna. Öruggir foreldrar = örugg börn. Með því að foreldrar séu fullir þátttakendur frá fyrsta degi öðlast þeir öryggi um dagskipulagið og það sem á sér stað í leikskólanum. Annar kostur er að foreldrar tengjast hver öðrum og milli þeirra skapast oft vinskapur.