Kynningarbæklingur til foreldra
Velkomin í leikskólann Baug
Leikskólinn Baugur var opnaður í október 2007. Heildarrými leikskólans er 1050,7m² eða 6,9m² á hvert barn, leikrými: 538m² sem gerir 3,5m² á barn. Leikskólinn Baugur er átta deilda leikskóli fyrir börn á aldrinum eins til sex ára.
Leikskólinn skiptist í þrennt, tveir gangar með þremur deildum hvor og lausar stofur (Skógur) með tveimur deildum. Á yngri gangi eru deildarnar, Lundur, Brekka og Klettur. Á eldri gangi eru deildarnar, Mýri, Foss og Tjörn. Í Skógi eru Hlíð og Rjóður. Baugur er opinn leikskóli, þ.e. að deildirnar eru ekki mjög stórar, en stór svæði skólans eru samnýtt af öllum deildum, s.s. hreyfisalur, listasmiðjur, bókasafn o.fl. Í miðju hússins er matsalur sem er nýttur af öllum deildum leikskólans.
Leikskólinn er staðsettur í Kórahverfi í Kópavogi þar sem stutt er í útivistarsvæðið í Leirdalnum, Heiðmörkina og aðrar náttúruperlur.
Hér náið þið í bæklinginn: Kynningarbæklingur